Në kuadrin e shënimit të 7 Marsit – Ditës së Mësuesit dhe Shkollës Shqipe, Universiteti i Tetovës nderon filantropin Lazim Destani me Çmimin Kombëtar “Fadil Sulejmani”. Ky çmim, që mban emrin e themeluesit dhe Rektorit të parë të Universitetit të Tetovës, është një vlerësim për kontributin e jashtëzakonshëm që Lazim Destani ka dhënë për arsimin si dhe për zhvillimin e përgjithshëm ekonomik e shoqëror të vendit.

Në Prishtinë shënohet 145-vjetori i Betejës së Nokshiqit dhe betejave heroike që zhvilluan luftëtarët e Lidhjes Shqiptare të Prizrenit në mbrojtje të Plavës e të Gucisë nga hordhitë pushtuese malazeze.

Më 17 shkurt 2008 Kuvendi i Republikës së Kosovës njëzëri shpalli Kosovën shtet të pavarur, sovran dhe demokratik. Ashtu si në përvjetorët e kaluar, e gjithë Kosova me dinjitet e krenari e festoi këtë datë historike për vendin.

Si anëtar i Këshillit Koordinues të Diasporës, Lazim Destani dje ka dhënë një intervistë për Diaspora Today - një platformë informimi me qendër në Gjermani. Ai ka folur për rëndësinë e votës së emigrantëve (shtetas të Republikës së Shqipërisë) në zgjedhjet e përgjithshme parlamentare të 11 Majit.

Në kuadër të Ditëve të Diasporës, si dhe për të kremtuar Ditën Kombëtare të Diasporës Shqiptare, 18 dhjetor, nën kujdesin e Ministrisë për Evropën dhe Punët e Jashtme, u realizuan një seri aktivitetesh të organizuara nga Agjencia Kombëtare e Diasporës dhe Këshilli Koordinues i Diasporës (KKD), të cilat kishin në fokus nderimin dhe vlerësimin e rolit të jashtëzakonshëm të diasporës në kultivimin e identitetit kombëtar.

Këshilli Koordinues i Diasporës (KKD) ka marrë pjesë në Akademinë solemne për shënimin e 30 vjetorit të Universitetit të Tetovës. Kjo ngjarje solemne shënoi një moment të rëndësishëm për arsimin dhe kulturën shqiptare në Maqedoninë e Veriut.

Në kuadrin e aktiviteteve të Javës së Diasporës, Këshilli Koordinues i Diasporës (KKD) i kryesuar nga Kryetari i Këshillit, Mark Gjonaj ka realizuar një vizitë në Komunën e Tetovës. Grupin e Anëtarëve të KKD-së këtu e ka pritur kryetari i Komunës, Bilall Kasami dhe stafi i tij.

Në nderim të 28 Nëntorit – Ditës së Flamurit Kombëtar, Lazim Destani kësaj radhe i bashkohet festës së organizuar nga mërgata shqiptare në Kopenhagë. Përmes një programi të larmishëm dyditësh (27 – 28 nëntor), këtu  u zhvilluan një varg ngjarjesh kulturore e sportive për ta shënuar në mënyrën më dinjitoze Ditën e Shpalljes së Pavarësisë së Shqipërisë apo siç njihet edhe si, Dita e Flamurit Kombëtar.

Në monumentin industrial Arena Halle në qendër të Berlinit, më 2 dhe 3 tetor, u mbajt panairi “Global Albanian Gastronomy Festival” (GAGF). Inaugurimi i këtij panairi mblodhi këtu më se një mijë vizitorë dhe ekzibitorë duke i bërë bashkë shumë përfaqësues biznesesh, kryesisht nga sfera e gastronomisë, të ardhur nga të gjitha trojet shqiptare e nga diaspora.

Nën organizimin e shoqatës ‘Unioni i Afaristëve Vizioni – Preshevë, Medvegjë, Bujanoc’ dje i zhvilloi punimet Konferenca II Ekonomike me moton ‘Ekonomia shpëton Luginën e Preshevës’. Këtu ishin të pranishëm mbi 300 pjesëmarrës, nga të cilët mbi 200 biznese që vinin nga të gjitha viset shqiptare, nga Shqipëria, Kosova, Maqedonia e Veriut, Mali i Zi, nga diaspora, si Zvicra, vendet e BE-së, Turqia e deri nga Australia e largët.

Në zyrën e tij në kompaninë Ecolog në Tetovë dje Lazim Destani e priti për vizitë kryetarin e Komunës së Tetovës, Bilall Kasami. Destani dhe Kasami zhvilluan biseda e diskutuan së bashku mbi mundësitë e bashkëpunimit publiko-privat mes Komunës së Tetovës dhe kompanisë Ecolog. Gjatë këtij takimi temë kryesore ishte ndërtimi i stadiumit të ri të qytetit për të cilin këto ditë kishte dalë dhe leja e ndërtimit.

Të shtunën, (14.09.2024) në Cyrih të Zvicrës u promovua libri i bashkautorëve Enver Robelli dhe Omer Xhemaili. Në në këtë ceremoni promovimi morën pjesë shumë personalitete të shquara si akademiku Ali Aliu, filantropi Lazim Destani, Ambasadori i Republikës së Kosovës në Zvicër Mentor Latifi, nga Ambasada e Shqipërisë Valon Gashi e shumë personalitete të tjera shqiptare.

Dje në Sallën e Kongreseve në Zyrih, përmes një ceremonie festive, u zhvillua edicioni i katërt i Ballos që tash e disa vite organizohet nga ‘Swissalbs’. Kjo ngjarje tradicionale bashkon sipërmarrës shqiptarë që veprojnë në Zvicër ndërsa ka për qëllim të njohë dhe vlerësojë arritjet dhe kontributin e sipërmarrësve dhe individëve të suksesshëm të komunitetit shqiptar në këtë vend. Lazim Destani ishte një nga personalitet shqiptare të ftuara për të marrë pjesë në këtë Ballo.

Përmes një ceremonie festive dje (30. 08. ’24) në Horën e Arbëreshëve (Piana degli Albanesi), Sicili, u përurua statuja e heroit kombëtar shqiptar, Gjergj Kastrioti Skënderbeu.

Falë donacionit nga kompania Ecolog e filantropit Lazim Destani dje u përuruan repartet e rinovuara të Spitalit Klinik të Tetovës. Realizimi i këtij projekti ka sjellë transformim të plotë të reparteve të sëmundjeve interne. Gjashtë repartet kryesore të mjekësisë interne - pediatria, endokrinologjia, neurologjia, psikiatria, kabineti EEG dhe EMG si dhe pavijoni i laboratorit, tashmë ofrojnë shërbime shëndetësore sipas standardeve më të larta europiane. Ky donacion gjithashtu përfshin punime rikonstruksioni të hyrjes kryesore si dhe fasadës së godinës.

Rreth 350 përfaqësues biznesesh ishin të pranishëm në ngjarjen e organizuar nga Degët e Rrjetit Global të Bizneseve të Diasporës Shqiptare. Ky takim, që gjithashtu shënoi 10 vjetorin e Rrjetit, u zhvillua me datë 17 dhe 18 Maj në Prishtinë.

Aktivitetet e komunitetit shqiptar në Kroaci këtë fundjavë janë pasuar nga vizita e dy personaliteteve të Diasporës shqiptare, Kryetarit të Nderit të Rrjetit Global të Bizneseve të Diasporës dhe njëherit Anëtar i Këshillit Koordinues të Diasporës, Lazim Destani, dhe Kryetarit të Lidhjes Shqiptare në Botë, juristit të mirënjohur nga radhët e diasporës shqiptare në Zvicër, Nazmi Jakurti.

Si i ftuar special, Lazim Destani mori pjesë në takimin e organizuar nga Kolegji i Kirurgëve të Kosovës (KKK) që u mbajt te Klubi Ekonomik (Wirtschaftsclub) në Dyzeldorf të Gjermanisë. Kolegji i Kirurgëve të Kosovës është organizatë shkencore dhe avokuese në shërbim të avancimit të disiplinave të kirurgjisë në Kosovë.

Me rastin e shënimit të 16 vjetorit të Pavarësisë së Republikës së Kosovës, i ftuar në këtë ceremoni, Lazim Destani merr pjesë në pritjen shtetërore të krerëve të vendit, Presidentes Vjosa Osmani, Kryeparlamentarit Glauk Konjufca dhe Kryeministrit Albin Kurti.

Në kuadër të aktiviteteve për shënimin e 16 vjetorit të Pavarësisë së Kosovës, Lazim Destani ishte pjesë e auditorit që ndoqën premierën e filmit dokumentar, ‘Gratë, Lufta dhe Paqja’. Dokumentari u shfaq te Kulla e Nikajve në Kaçanik, ndërsa ishte produksion i studentëve nga Fakulteti i Arteve i Universitetit të Prishtinës në bashkëpunim me Institutin e Studimeve Sociale e Humanistike. Në këtë dokumentar filmik u prezantuan dëshmitë e grave që vinin nga familjet e dëshmorëve dhe që gjatë luftës kishin qenë pjesë e mbështetjes logjistike.